DNN WORLD NEWS – గుంటూరు
తేదీ: 08-05-2026
గుంటూరు: ఆంధ్ర చెస్ అసోసియేషన్ ఆధ్వర్యంలో, రవీంద్ర రాజు అకాడమీ ఆఫ్ చెస్ ఎడ్యుకేషన్ నిర్వహిస్తున్న ఐడీపీఎస్ గుంటూరు స్టేట్ ఓపెన్ చెస్ టోర్నమెంట్-2026 నేడు ఐడీపీఎస్ స్కూల్, గుంటూరులో ఘనంగా ప్రారంభమైంది.
చీఫ్ ఆర్బిటర్ కిరణ్ కుమార్ పాలూరి నిర్వహించిన టెక్నికల్ మీటింగ్ అనంతరం టోర్నమెంట్ ప్రారంభమైంది. ఆంధ్రప్రదేశ్ నలుమూలల నుండి 200 మందికి పైగా క్రీడాకారులు వివిధ వయో విభాగాల్లో పాల్గొంటున్నారు.
టెక్నికల్ మీటింగ్ ముఖ్యాంశాలు:
ఫార్మాట్: 7 రౌండ్ల స్విస్, ర్యాపిడ్. FIDE నియమాలు వర్తిస్తాయి.
టైమ్ కంట్రోల్: 15 నిమిషాలు + ప్రతి ఎత్తుకు 10 సెకన్ల ఇంక్రిమెంట్.
షెడ్యూల్: రౌండ్-1 ఉదయం 9:30 గంటలకు కచ్చితంగా ప్రారంభమైంది. ప్రతి రౌండ్కు 1 గంట. రౌండ్-4 తర్వాత లంచ్ బ్రేక్.
నియమాలు: డిఫాల్ట్ టైమ్ 15 నిమిషాలు. ప్లేయింగ్ హాల్లో మొబైల్స్ & ఎలక్ట్రానిక్ పరికరాలు నిషేధం. తల్లిదండ్రులకు ప్లేయింగ్ ఏరియాలోకి అనుమతి లేదు.
పెయిరింగ్స్: ప్రతి రౌండ్కు 10 నిమిషాల ముందు ప్రదర్శిస్తారు.
అప్పీల్స్: రౌండ్ ముగిసిన 15 నిమిషాలలోపు ₹1000/- ఫీజుతో సమర్పించాలి.
బహుమతులు: టాప్ 20 మందికి నగదు బహుమతులు. U-7 నుండి U-15 వరకు బాలురు & బాలికల విభాగాల్లో టాప్ 2 కి మెడల్స్.
వేసవి పరిస్థితులను దృష్టిలో ఉంచుకుని క్రీడాకారులకు అన్ని ఏర్పాట్లు చేశారు. ఈరోజు సాయంత్రం చివరి రౌండ్ అనంతరం బహుమతి ప్రదానోత్సవం జరుగుతుంది.
– DNN వరల్డ్ న్యూస, గుంటూరు
About the Author
Good One. All the best 👍.