ముదినేపల్లి నుంచి ఆలపాడు శివారు వరకు కొనసాగుతున్న జాతీయ రహదారి-165 పనులపై ఇప్పటికే అనేక ఆరోపణలు వచ్చాయని, రహదారి నిర్మాణంలో నాణ్యత లోపాలు, పనుల అమలులో నిర్లక్ష్యం, కాంట్రాక్టర్ల అప్రజాస్వామిక ధోరణులపై ప్రజలు అసంతృప్తి వ్యక్తం చేస్తున్నారని పేర్కొంటున్నారు.
DNN NEWS విస్తృత వార్తా కథనం:
DNN తో స్థానికుల కథనం ప్రకారం రహదారి నిర్మాణంలో ఉపయోగించాల్సిన ప్రమాణాల మట్టికి బదులుగా ఇతర పదార్థాలు వినియోగిస్తున్నారని, దీంతో రహదారి నాణ్యత దెబ్బతినే ప్రమాదం ఉందని పేర్కొంటున్నారు. ముఖ్యంగా ఎంబాంక్మెంట్ నిర్మాణంలో సరైన సాంకేతిక ప్రమాణాలు పాటించడం లేదని వారు ఆరోపిస్తున్నారు.
అంతేకాకుండా పనుల నాణ్యతను పర్యవేక్షించాల్సిన అధికారులు తగిన విధంగా తనిఖీలు నిర్వహించడం లేదని, దీంతో కాంట్రాక్టర్లు ఇష్టారాజ్యంగా వ్యవహరిస్తున్నారని విమర్శలు వినిపిస్తున్నాయి. ప్రజాధనంతో చేపడుతున్న ఈ భారీ ప్రాజెక్టులో నాణ్యతా ప్రమాణాలు విస్మరించబడితే భవిష్యత్తులో ప్రజలకు నష్టం కలిగే అవకాశం ఉందని స్థానికులు ఆందోళన వ్యక్తం చేస్తున్నారు.
ప్రజల ప్రధాన డిమాండ్లు
– స్వతంత్ర సాంకేతిక కమిటీతో సమగ్ర తనిఖీలు నిర్వహించాలి.
– నాణ్యతా పరీక్షల నివేదికలను బహిరంగంగా విడుదల చేయాలి.
– మట్టి పూడికలు, ఫిల్లింగ్ పనులపై ప్రత్యేక ఆడిట్ చేపట్టాలి.
– ఎలైన్మెంట్ మార్పులు జరిగి ఉంటే వాటిపై విచారణ జరపాలి.
– నిబంధనలను ఉల్లంఘించిన కాంట్రాక్టర్లపై కఠిన చర్యలు తీసుకోవాలి.
– సబ్ కాంట్రాక్టర్ల వ్యవహారంపై పూర్తి స్థాయి దర్యాప్తు చేపట్టాలి.
ఇప్పటికే పలుమార్లు సంబంధిత అధికారుల దృష్టికి సమస్యలను తీసుకెళ్లినప్పటికీ సరైన స్పందన కనిపించడం లేదని స్థానికులు చెబుతున్నారు.
రహదారి నిర్మాణంలో పారదర్శకత పాటించాలని, పనుల నాణ్యతపై ప్రజలకు స్పష్టత ఇవ్వాలని వారు కోరుతున్నారు.
DNN NEWS ఫోకస్
ఎన్హెచ్-165 రహదారి నిర్మాణంలో నాణ్యతా ప్రమాణాలు నిజంగా పాటిస్తున్నారా?
ఎంబాంక్మెంట్ నిర్మాణానికి వినియోగిస్తున్న పదార్థాలు ప్రమాణాలకు అనుగుణమేనా?
అధికారుల పర్యవేక్షణ ఎందుకు లోపిస్తోంది?
ప్రజల ఆరోపణలపై జాతీయ రహదారుల శాఖ ఎలా స్పందిస్తుంది?
స్థానిక ప్రజల ఆరోపణల నేపథ్యంలో ఉన్నతాధికారులు వెంటనే స్పందించి పనులపై సమగ్ర విచారణ జరిపి, నాణ్యతా ప్రమాణాలకు అనుగుణంగా నిర్మాణం జరిగేలా చర్యలు తీసుకోవాలని ప్రజలు, రైతులు డిమాండ్ చేస్తున్నారు.
– స్వతంత్ర విచారణకు ప్రజల డిమాండ్ : 🚧 ఎన్ హెచ్ 165 లో నాణ్యతకు పాతర రహదారి పనులపై తీవ్ర ఆరోపణలు వస్తున్న నేపథ్యంలో ఉన్నతాధికారులు స్వతంత్ర విచారణ ను చేపట్టి ప్రజలకు దానిమీద ఉన్న అపోహలను మరియు నిజనిజాలను వెళ్ళడించవలసిందిగా అధికారులను ప్రజలు డిమాండ్ చేస్తున్నారు.
🖋️ రిపోర్టర్: DNN NEWS ప్రతినిధి
📍 ముదినేపల్లి, ఏలూరు జిల్లా
🌐 DNN NEWS – ప్రజల గొంతుక
