📍 జంగారెడ్డిగూడెం | జూన్ 12, 2026 | DNN NEWS
ఏలూరు జిల్లా చెస్ అభివృద్ధి మరియు క్రీడాకారుల సంఘం (CDPAED) ఆధ్వర్యంలో, శ్రీ హంసా చెస్ అకాడమీ నిర్వహణలో జరిగిన ఏలూరు జిల్లా అండర్-15 ఓపెన్ మరియు బాలికల చెస్ ఛాంపియన్షిప్ ఎంపికల పోటీలు శుక్రవారం విజయవంతంగా ముగిశాయి.
ఆంధ్ర చెస్ అసోసియేషన్ అనుమతితో నిర్వహించిన ఈ పోటీలు శ్రీ హంస చెస్ అకాడమీ, జంగారెడ్డిగూడెం ప్రాంగణంలో జరిగాయి. జిల్లాలోని వివిధ ప్రాంతాల నుండి అనేక మంది ప్రతిభావంతులైన బాలురు, బాలికలు పాల్గొని తమ చెస్ నైపుణ్యాలను ప్రదర్శించారు.
బాలుర విభాగం విజేతలు
🥇 అవ్రహామ్ (ఏలూరు) – 4 పాయింట్లు
🥈 అక్షిత్ (ఏలూరు) – 3 పాయింట్లు
🥉 సూర్య శ్రీ ప్రద్యుమ్న (ఏలూరు) – 3 పాయింట్లు
🏅 జ్యోతి స్వరూప్ (ఏలూరు) – 3 పాయింట్లు
బాలికల విభాగం విజేతలు
🥇 బాబ్లీ బాలా (ఏలూరు) – 3 పాయింట్లు
🥈 సుచిత్ర క్రిస్టీ (ఏలూరు) – 2 పాయింట్లు
🥉 ప్రేమి రక్షిత (ఏలూరు) – 2 పాయింట్లు
🏅 లక్ష్మీ హారిణి (ఏలూరు) – 2 పాయింట్లు
ప్రతిభ కనబరిచిన ఈ క్రీడాకారులు రాష్ట్ర స్థాయి పోటీలకు ఎంపికయ్యారు.
ఈ ఎంపికల ద్వారా ఎంపికైన క్రీడాకారులు జూన్ 14 మరియు 15 తేదీలలో విజయవాడలో జరగనున్న ఆంధ్రప్రదేశ్ రాష్ట్ర అండర్-15 చెస్ ఛాంపియన్షిప్లో ఏలూరు జిల్లా తరఫున ప్రాతినిధ్యం వహించనున్నారు.
ఈ టోర్నమెంట్కు శ్రీ కిరణ్ కుమార్ పాలూరి చీఫ్ ఆర్బిటర్గా వ్యవహరించగా, శ్రీ కన్నా సూర్య నాగేశ్వరరావు, శ్రీమతి అన్నవరపు సురేఖ మరియు శ్రీమతి ఎస్. శ్యామల ఆర్బిటర్లుగా బాధ్యతలు నిర్వహించారు.
ఈ కార్యక్రమానికి జిల్లాలోని చెస్ కోచ్లు, తల్లిదండ్రులు, క్రీడాకారులు మరియు చెస్ అభిమానులు హాజరై పోటీల విజయానికి సహకరించారు. కార్యక్రమాన్ని విజయవంతం చేసిన ప్రతి ఒక్కరికీ నిర్వాహకులు కృతజ్ఞతలు తెలిపారు.
🖋️ DNN NEWS ప్రతినిధి
📍 జంగారెడ్డిగూడెం
🌐 DNN NEWS – ప్రజల గొంతుక
Well done New Generation 👏 👍.