DNN న్యూస్ డెస్క్ | జీలుగుమిల్లి | జూన్ 4, 2026
పంటల సాగులో నేల ఆరోగ్య పరిరక్షణకు అత్యంత ప్రాధాన్యత ఇవ్వాలని, నేల ఆరోగ్యమే సుస్థిర వ్యవసాయానికి బలమైన పునాదిగా నిలుస్తుందని ఐసీఏఆర్ జాతీయ వాణిజ్య పంటల పరిశోధన కేంద్రం (నిర్కా), రాజమండ్రి డైరెక్టర్ డా. మాగంటి శేషు మాధవ్ పేర్కొన్నారు.
జంగారెడ్డిగూడెం మండలం మార్కండేయపురంలో ఖేత్ బచావో అభియాన్ కార్యక్రమంలో భాగంగా రైతు కూచిపూడి రమేష్ వ్యవసాయ క్షేత్రంలో నిర్వహించిన అవగాహన సదస్సులో ఆయన ముఖ్య అతిథిగా పాల్గొన్నారు. “సుస్థిర వ్యవసాయం కోసం నేల ఆరోగ్య సంరక్షణ” అనే అంశంపై రైతులకు పలు సూచనలు చేశారు.
పచ్చిరొట్ట ఎరువుల వినియోగాన్ని పెంచడం, రసాయన ఎరువుల వాడకాన్ని తగ్గించడం ద్వారా భవిష్యత్ తరాలకు ఆరోగ్యకరమైన భూమిని అందించవచ్చని ఆయన తెలిపారు. రైతులు నేల పరీక్షలు చేయించుకుని శాస్త్రీయ పద్ధతులను అనుసరించాలని సూచించారు.
పొగాకు సాగులో విద్యుత్ ఆధారిత క్యూరింగ్ సాంకేతికతను అభివృద్ధి చేసినట్లు వెల్లడించిన ఆయన, దీనివల్ల కాలుష్యం తగ్గడంతో పాటు రైతులకు ఖర్చు తగ్గి నాణ్యమైన ఉత్పత్తి లభిస్తుందని వివరించారు.
ఈ సందర్భంగా రైతులకు ఎఫ్సీవీ పొగాకు విత్తనాలు, నవధాన్యాలను ఉచితంగా పంపిణీ చేశారు. కార్యక్రమంలో పొగాకు బోర్డు అధికారులు, వ్యవసాయ శాఖ అధికారులు, శాస్త్రవేత్తలు, రైతు నాయకులు మరియు పెద్ద సంఖ్యలో రైతులు పాల్గొన్నారు.
DNN NEWS ప్రత్యేకం
“భూమిని కాపాడితేనే భవిష్యత్ వ్యవసాయం బలోపేతం అవుతుంది” అనే సందేశంతో నిర్వహించిన ఈ అవగాహన సదస్సు రైతులకు ఉపయోగకరమైన మార్గదర్శకంగా నిలిచింది.
🖋️ రిపోర్టర్: DNN NEWS ప్రతినిధి
📍 జీలుగుమిల్లి, ఏలూరు జిల్లా
🌐 DNN NEWS – ప్రజల గొంతుక
